Верталёт МНС нёс над Мінскам фюзеляж самалёта Як-40 (фота, відэа)
27 снежня верталёт Мі-26, які належыць да авіяцыі МНС, пераносіў з Мінска ў Барысаўскі раён незвычайны груз — фюзеляж самалёта Як-40 вагой каля 7800 кг. Груз перамяшчалі з тэрыторыі аэрапорта "Мінск-1" у філіял Універсітэта грамадзянскай абароны МНС.
Як адзначае прэс-служба МНС, транспартаванне такога буйнагабарытнага грузу — унікальная аперацыя, якая патрабуе высокай прафесійнай падрыхтоўкі як экіпажа верталёта, так і авіяцыйна-інжынернага складу па падрыхтоўцы грузу і сістэм паветранага транспартнага сродку.
Перанесены фюзеляж будзе выкарыстоўвацца на палігоне для падрыхтоўкі ратавальнікаў.
