Вера Лапко прайшла ў асноўную сетку тэніснага турніру ў Страсбургу
![Вера Лапко прайшла ў асноўную сетку тэніснага турніру ў Страсбургу](/sites/default/files/styles/gallery_main/public/2023-08/lapko_belta.jpg.webp?itok=xQ1n2pCN)
Беларуская тэнісістка Вера Лапко прайшла ў асноўную сетку на турніры ў французскім Страсбургу з прызавым фондам 226 тысяч долараў. 20 траўня ў паядынку другога раунда кваліфікацыі яна перамагла балгарку Эліцу Коставу — 6:3, 6:4, а раней, у стартавым матчы, беларуска была мацнейшай за прадстаўніцу Чылі Даніэлу Сегель — 6:1, 6:4.
Лапко займае на сёння 251-е месца ў рэйтынгу WTA.
Асноўны этап турніру ў Страсбургу пачнецца 21 траўня, а завяршыцца ён 27 траўня.
Іншая беларуская тэнісістка Арына Сабаленка завяршыла выступ на турніры ў французскім Сэн-Гадэнсе (прызавы фонд 60 тысяч долараў). Спартсменка выбыла на стадыі ¼ фіналу пасля таго, як саступіла прадстаўніцы ЗША Крысці Ан — 6:3, 4:6, 5:7.