Ва ўкраінскім войску тэстуюць першыя партыі жаночай ваеннай формы
![Украінкі на абароне радзімы / https://www.facebook.com/reznikovoleksii](/sites/default/files/styles/gallery_main/public/2023-08/322382974_8431938653543342_3294538996224647612_n.jpg.webp?itok=lSim6haR)
Украінкі на абароне радзімы / https://www.facebook.com/reznikovoleksii
Ва ўкраінскім войску тэстуюць першыя партыі жаночай ваеннай формы. Пра гэта паведаміў міністр абароны Украіны Аляксей Рэзнікаў. Ён піша, што форму атрымалі жанчыны, якія служаць у некалькіх брыгадах.
Рэзнікаў паведаміў, што на сённяшні дзень ва ўкраінскім войску служыць 41 тысяча жанчын (яшчэ 19 тысяч — цывільныя працаўніцы), з якіх 5 тысяч непасрэдна ўдзельнічаюць у баях на фронце. "Да гэтага часу даволі востра стаяла пытанне наяўнасці адпаведных адзення і бялізны", — піша міністр. Аднак з удзелам грамадскіх актывістаў Мінабароны некалькі месяцаў працавала над узорамі жаночай ваеннай формы, вывучаючы досвед іншых краін. У выніку былі выраблены два варыянты, якія будуць даследавацца падчас "эксперыментальнага нашэння ў вайсковых частках". Яны будуць дапрацоўвацца з улікам заўваг і пажаданняў. Далей узор жаночай ваеннай формы афіцыйна зацвердзіць міністр абароны.
Аляксей Рэзнікаў паведаміў таксама, што ўжо ідзе праца над эксперыментальнай бронекамізэлькай. А ў пачатку наступнага года Мінабароны пачне працаваць над абуткам.
![Ва ўкраінскім войску тэстуюць першыя партыі жаночай ваеннай формы](/sites/default/files/styles/default_image_paragraph/public/paragraphs/image/87_1.jpg.webp?itok=-89FeJxo)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.