Уся справа ў коўдры
Яны маюць права на такую думку, але я лічу, што для беларускай бэмакратыі гэта шкодная пазіцыя абсалютна. Толькі адным кулаком можна выйграваць”.
Палітык
адмовіўся ўдзельнічаць у Кангрэсе дэмакратычных сіл, які меўся адбыцца ў сакавіку,
праз тое, што ён “прывядзе толькі да раз’яднання дэмакратычных сілаў”. Гэты
ўчынак атрымаў супярэчлівыя ацэнкі: ад “памылковага” да “першага рашучага пасля
выбараў”.
Аднак у адным з Мілінкевічам нельга не пагадзіцца: рух, створаны
дэмакратамі перад выбарамі дзеля дасягнення канкрэтнай мэты, патрабуе
структурнай канверсіі, якая дазволіла б яму працаваць у “мірны” час. Праўда,
кожны хоча накіраваць дэмакратычную плынь у свой бок.
Палітык Аляксей Кароль
выступае за дэцэнтралізацыю: коўдру перастаюць цягнуць, рэжуць на ласкуты і, за
адсутнасцю агульнага агульнага лідэра, разбіраюць па сваіх норках.
Аляксей Кароль:“Выходзіць з афіцыйнай вертыкаллю сам-насам наўрад ці
мэтазгодна: у прынцыпе, вертыкаль на вертыкаль не ёсць сродкам і матывацыяй для
барацьбы.
Досвед паказвае, што мадэль, накіраваная на дэцэнтралізацыю, мадэль
пад сцэнар дзеянняў, пад праграму нашмат больш эфектыўная і маральная”.
Кіраваць
такім рухам дэмакраты планавалі па чарзе. Летні варыянт: пакуль нехта адзін
накрываўся б коўдрай, астатнія мерзлі б. Працягвае Аляксей Кароль:
Аляксей Кароль: “Напачатку прапаноўваўся прынцып ратацыі старшыні?
але, наколькі я ведаю, прапаноўвалася Мілінкевічу і іншая формула —
сустаршынства, і за ім — функцыя міжнароднага прадстаўніцтва, своеасаблівага
Хаўера Саланы беларускай дэмакратычнай апазіцыі. Аднак і гэта ён не ўспрыняў”.
Такі
варыянт развіцця падзей нагадваў бы прызначэнне Пятра Краўчанкі беларускім
амбасадарам у Японіі ці Сяргея Лінга —– прадстаўніком Беларусі пры ААН.
Безумоўна, “прыемная высылка” Аляксандра Мілінкевіча за кардон прывяла б да яго
палітычнай смерці на Радзіме.
Таму не дзіўна, што ён не ўзяў гэтую “падачку”,
упадабаўшы застацца лідэрам — тут і зараз, але — без уласнага палітычнага руху.
Праўда, палітык упэўнены ў тым, што ў яго шмат аднадумцаў і ўсім ім знойдзецца
месца пад коўдрай.
Аляксандр Мілінкевіч: “Абсалютная большасць людзей у рэгіёнах, незалежна
ад партый, не падзяляюць думку сваіх лідэраў. Яны лічылі і лічаць, што
працаваць трэба разам — толькі так мы прадстаўляем сабой сілу.
Мне камуністы
казалі, казулінцы, агэпэшнікі, бэнээфаўцы — усе казалі: “Што вы там робіце,
чаму вы развальваеце тое, чаго мы дасягнулі — аб’яднанне?”
Тут прынцыповы
падыход: я лічу, што і штаб адзіны патрэбен, і лідэр, і праграма. Калі іншыя
лідэры так не хочуць, я буду аб’ядноўваць тыя сілы, якія хочуць працаваць
разам”.
Беспартыйны
Аляксандр Мілінкевіч збіраецца весці партыйных актывістаў у адзін бок, а партыі — у іншы, кожная ў свой. Шкада бедных людзей: і так ім нялёгка, а тут яшчэ
шызафрэнія на палітычнай глебе…
Праўда, падваенне палітычнай асобы пагражае не
ўсім, хто пойдзе за Мілінкевічам: падтрымаць рашэнне палітыка вырашылі партыі
Мікалая Статкевіча і Уладзіміра Навасяда, а таксама актывісты “Маладога
фронту”.
Чым скончыцца гэтае перацягванне коўдры — здаецца, самае масавае ў гісторыі беларускіх дэмакратычных сіл — гадаць бессэнсоўна.
Фота — photo.bymedia.net