Уначы ў Гомелі жанчына выпала з балкона 16-га паверха
У Гомелі жанчына выпала з агульнага балкона 16-га паверха (паводле папярэдняй інфармацыі). Яна загінула ад атрыманых траўмаў. Як паведаміў БЕЛТА афіцыйны прадстаўнік УУС Гомельскага аблвыканкама Віталь Прыстромаў, трагічнае здарэнне адбылося ўначы 16 жніўня. Цела 29-гадовай жанчыны знайшлі каля шматпавярховага дома па вуліцы Ільіча.
Мяркуецца, што адбыўся суіцыд. Прызначаны неабходныя экспертызы і праверкі.
