Украінскі прэм'ер атрымаў "гангстэрскі" кулямёт Томпсана ўзору 1928 года
![Украінскі прэм'ер атрымаў "гангстэрскі" кулямёт Томпсана ўзору 1928 года](/sites/default/files/styles/gallery_main/public/2023-08/1128307993ap715.jpg.webp?itok=QDhOJHk5)
Украінскі прэм'ер Арсень Яцанюк валодае кулямётам Томпсана ўзору 1928 года і 203 патронамі да яго. Такі незвычайны падарунак ён атрымаў ад міністра абароны Сцяпана Палтарака. Адбылося гэта яшчэ ў траўні 2015 года, але загад быў абнародаваны толькі нядаўна. У дакуменце адзначаецца, што Яцанюк узнагароджаны "за выдатныя заслугі ў забеспячэнні абараназдольнасці краіны, умацаванні нацбяспекі, узорнае выкананне службовага абавязку і праяўленыя высокі прафесіяналізм, гонар і доблесць". Кулямёт Томпсана вядомы, як "гангстарскі" — яго актыўна выкарыстоўвала амерыканская мафія ў даваенны час.
УНІАН адзначае, што міністр абароны ўзнагародзіў зброяй і шэраг суддзяў, пракурораў, дэпутатаў Вярхоўнай Рады і бізнесменаў. Тагачасны сакратар Савета па нацыянальнай бяспецы і абароне Аляксандр Турчынаў атрымаў пісталет Маўзер з патронамі, кіраўнік МУС Арсен Авакаў — Кольт.
![Украінскі прэм'ер атрымаў "гангстэрскі" кулямёт Томпсана ўзору 1928 года](/sites/default/files/paragraphs/image/1456179265-4939.jpg)
![Украінскі прэм'ер атрымаў "гангстэрскі" кулямёт Томпсана ўзору 1928 года](/sites/default/files/paragraphs/image/januar363.jpg)