Украінцы затрымалі на мяжы беларуса з абсталяваннем для танка (фота, відэа)
![Украінцы затрымалі на мяжы беларуса з абсталяваннем для танка (фота, відэа)](/sites/default/files/styles/gallery_main/public/2023-08/etxeyrexyaeqled.jpg.webp?itok=FnVeigAt)
Украінцы затрымалі на мяжы беларуса з абсталяваннем для... танка. Кантрабандны груз быў схаваны ў адсеку з падвойным дном у багажным аддзяленні мікрааўтобуса Volkswagen. Як паведамляе прэс-служба Дзяржаўнай памежнай службы Украіны, праверка транспартнага сродку праходзіла ўначы ў пункце пропуску "Новыя Ярылавічы" ў Чарнігаўскай вобласці. З нейкай прычыны беларус выклікаў падазрэнні ва ўкраінцаў, і яны правялі паглыблены дагляд. І знайшлі "прадукцыю вайсковага прызначэння" — 12 аптычных прыбораў.
41-гадовага мінчука затрымалі. Яму пагражае буйны штраф, абмежаванне ці пазбаўленне волі — да 3 гадоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.