У ЗША самалёт упаў на шашу, ёсць ахвяры
Скрыншот: БелТА
Лёгкаматорны самалёт упаў на шашы ў раёне горада Рывердэйл ў штаце Юта (ЗША), у 55 км ад адміністрацыйнага цэнтра Солт-Лэйк-Сіці. Па дадзеных мясцовых уладаў, загінулі ўсе, хто знаходзіўся на борце. Гаворка ідзе пра дзве сямейныя пары: Лэйна і Дыяну Кларк, а таксама Пэры і Сару Хафэйкер.
"Пацверджана: чатыры смяротныя выпадкі ў выніку авіякатастрофы ў раёне Рывердэйл. Працуем над тым, каб паведаміць сем'ям", — паведамляецца на афіцыйнай старонцы Дэпартамента грамадскай бяспекі штата Юта ў Twitter.
CONFIRMED: 4 fatalities in Riverdale plane crash. Working on notifying family members.
— Utah Public Safety (@UtahDPS) July 26, 2017
Самалёт упаў на паўночным баку шашы. Паводле папярэдняй версіі, пілот спрабаваў здзейсніць аварыйную пасадку, але не справіўся з кіраваннем. Паветранае судна праляцела праз тры паласы і ўрэзалася ў раздзяляльны бар'ер.
Пацярпелых сярод тых, хто ў момант крушэння знаходзіўся на аўтамагістралі, няма. Прычыны здарэння высвятляе паліцыя.
NEW: Video shows freeway on fire after deadly plane crash in Utah - https://t.co/FbC1C2RUPX
— Breaking911 (@Breaking911) July 26, 2017
(Video Courtesy Sam Burke / KSL) pic.twitter.com/0F6izYZyVR
