У ЗША грузавы цягнік з хімікатамі сышоў з рэек, адбыўся выбух (відэа)
Здарэнне адбылося ў акрузе Балтымар штата Мерыленд.
Грузавы цягнік сутыкнуўся са смеццявозам, 15 вагонаў перавярнуліся. На шчасце, ахвяраў няма. Медычная дапамога спатрэбілася толькі кіроўцу аўтамабіля, ён знаходзіцца ў цяжкім стане.
Цягнік перавозіў хімічныя рэчывы. Улады эвакуявалі людзей з бліжэйшых дамоў. Аднак атрутных рэчываў у цягніку не было.
Фота — AFP
