У зонах гасціннасці і на арэнах выпілі 267 тысяч літраў піва
За 11 дзён чэмпіянату свету на арэнах і ў зонах гасціннасці нагандлявалі на 3 мільёны долараў.
Пра гэта паведамляюць у галоўным упраўленні спажывецкага рынку Мінгарвыканкама. Таксама на дзвюх арэнах і ў трох зонах гасціннасці з’елі 16,5 тон шашлыку і 36 тон каўбасак і курыных крылцаў.
У зоне гасціннасці каля Палаца спорту нагандлявалі больш, чым на 1 мільён долараў. Тут выпілі 47 тысяч літраў піва і з’елі 12 тон шашлыку.
Агулам на чэмпіянат свету па хакеі прадалі больш за паўмільёна квіткоў, а толькі праз заходнюю мяжу, без візы ў Беларусь прыехала больш за 26 тысяч заўзятараў.
Фота — tut.by