У Японіі пасля шэрагу землятрусаў абвясцілі пагрозу цунамі
Цунамі, ілюстрацыйнае фота / pixabay.com
У цэнтральнай частцы Японіі адбылося некалькі землятрусаў. Як перадае ТАСС, магнітуда наймацнейшага з іх склала 7,6 бала.
Моцныя землятрусы адбыліся ў раёне прэфектур Ісікава і Ніігата. На востраве Хансю былі зафіксаваныя пяць магутных землятрусаў рознай магнітуды. У Токіа таксама адчуваліся падземныя штуршкі.
Без электрычнасці засталіся больш за 35 тысяч дамоў. У Японіі прыпынілі рух хуткасных цягнікоў.
Улады абвясцілі пагрозу цунамі для ўсяго заходняга ўзбярэжжа краіны. На асобных участках вышыня хваляў цунамі дасягае 5 метраў. Паведамляецца, што некаторыя з хваляў дасягнулі прыбярэжнай зоны ўжо праз некалькі хвілін пасля першых падземных штуршкоў.
