У Вялікага тэатра Беларусі новы гендырэктар
У Вялікага тэатра Беларусі новы гендырэктар. На гэтую пасаду прызначана Кацярына Дулава. У аўторак калектыву яе прадставіў міністр культуры Анатоль Маркевіч. Раней Дулава была рэктарам Беларускай дзяржаўнай акадэміі музыкі (больш за 10 гадоў, а прапрацавала там больш за 30), яна — навуковец, прафесар, доктар мастацтвазнаўства.
Варта адзначыць, што Кацярына Дулава — удзельніца Канстытуцыйнай камісіі, з якой рэгулярна засядае Аляксандр Лукашэнка. Яна была членам Савета Рэспублікі.
Былы БРСМавец Вячаслаў Гарбузаў кіраваў Вялікім тэатрам Беларусі з траўня 2021-га. Відаць, яго дзейнасцю кіраўніцтва засталося незадаволенае.
