Вы тут

У відэароліку ААН дыназаўр заклікае задумацца аб праблемах клімату

"У нас быў астэроід, а якія апраўданні ў вас?" / Скрыншот з відэароліка ААН

ААН прадставіла ў сераду кароткаметражную кінастужку ў падтрымку барацьбы са зменамі клімату, паведамляе ТАСС.

У фільме, які зняты ў межах кампаніі "Не выбірайце выміранне", да дэлегацый краін і супрацоўнікаў ААН звяртаецца дыназаўр. Месцам для свайго выступу дагістарычны яшчар абраў трыбуну Генеральнай Асамблеі. Дыназаўр заявіў аб тым, што прыйшоў час, каб людзі перасталі прыдумляць апраўданні і пачалі ажыццяўляць змены.

"Прынамсі ў нас быў астэроід, а якія апраўданні ў вас?" — задаў рытарычнае пытанне прадстаўнік вымерлага віду.

У сваёй прамове дыназаўр таксама выказаў меркаванне, што дзяржсубсідыі на вуглевадароды ірацыянальныя і нелагічныя.

Ролік стаў першым у гісторыі ААН фільмам, у якім скарыстана кампутарная графіка.

Фільм ААН, зняты ў межах кампаніі "Не выбірайце выміранне".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.