У СІЗА КДБ для Уладзіслава Баўмгертнера не прынялі перадачу

Па словах расійскага адваката Аляксей Басістава, якія перадае interfax.by, супрацоўнікі СІЗА прынялі толькі зубную пасту, шчотку, мыла і ручнікі. Яны спаслаліся на тое, што па статусе затрыманага Баўмгертнеру не дазволена перадаваць асабістыя рэчы.

Басістаў кажа, што здзівіўся, даведаўшыся, што ў расійскага бізнэсоўца статус не арыштаванага на два месяцы, а затрыманага на 72 гадзіны. Таму на імя кіраўніка КДБ Беларусі накіраваная заява з просьбай растлумачыць, які цяпер статус Баўмгертнера.

Акрамя таго тры расійскія і двое беларускіх адвакатаў падалі скаргу, каб высветліць статус бізнэсоўца. Яна будзе разгледжаная судом на наступным тыдні.

Фота — kasparov.ru