У Рызе прайшло традыцыйнае шэсце латышскіх легіянераў

Традыцыйнае шэсце ветэранаў латышскага легіёна, які падчас Другой сусветнай вайны ваяваў на баку Нямеччыны, прайшло ў нядзелю ў Рызе. У ім удзельнічалі больш за 200 былых легіянераў і іх прыхільнікаў.

Як паведамляе РИА "Новости", ахоўвалі іх удвая болей паліцыянтаў. Шэсце прайшло без эксцэсаў.

Нагадаем, яно стала традыцыйным у 1994 годзе. Да 2001 года 16 сакавіка было афіцыйнай датай памяці легіянераў, якая адзначалася на дзяржаўным узроўні, аднак па ініцыятыве прэзідэнт Латвіі Вайры Віке-Фрэйбергі, дата была выключана са спісу афіцыйных датаў.