У расійскім Варонежы ў выніку атакі дронаў пашкоджаны тры шматпавярховікі
Пашкоджаны тры шматпавярховікі, яшчэ ў чатырох выбітыя вокны / @typicalvoronezh
Папярэдне 35 кватэр у трох шматпавярховіках атрымалі пашкоджанні ў выніку атакі дронаў у Варонежы, пра гэта піша тэлеграм-канал "Тыповы Воронеж" са спасылкай на губернатара вобласці Аляксандра Гусева. Пацярпела дзіця, у дзяўчынкі рэзаныя раны рукі, ногі і шыі.
Яшчэ ў чатырох жылых дамах на іншай вуліцы выбітыя вокны. Але там "абышлося без узгаранняў і іншых сур'ёзных наступстваў".
Мінабароны Расіі паведамляе, што над тэрыторыяй Варонежскай вобласці гэтай ноччу "былі знішчаныя пяць і перахопленыя тры ўкраінскія беспілотныя лятальныя апараты".
Пашкоджаны шматпавярховік / тут і далей фота @typicalvoronezh
