У пятніцу ў Беларусі будзе моцны вецер

У пятніцу, 3 лістапада, у Беларусі чакаецца пераменная воблачнасць, паведамляе Белгідрамет.

Будзе пераважна без ападкаў, толькі ў другой палове дня па крайнім захадзе краіны пройдуць кароткачасовыя дажджы. Уначы і зранку месцамі чакаецца слабы туман.

Вецер будзе паўднёва-ўсходні ўмераны. Удзень прагназуюцца парывы ветру да 15-18 метраў за секунду. Сіноптыкі абвясцілі жоўты ўзровень небяспекі.

Тэрмометры ўначы пакажуць 0...+6, па захадзе краіны будзе да 8 цяпла. Удзень чакаецца 9-15 вышэй за нуль.