У Пінску міліцыянты з усяе Брэстчыны зладзілі аблаву на наркадылераў

У адзін дзень па ўсім горадзе было праведзена больш за 30 ператрусаў, некаторых наркадылераў затрымлівалі проста на вуліцах. У аперацыі ўзялі ўдзел каля сотні супрацоўнікаў розных аддзелаў міліцыі Брэстчыны,  асабліва эфектна працаваў брэсцкі АМАП. Па выніках аперацыі завялі 6 крымінальных справаў.

Некалькі тыдняў таму падобную аперацыю ў Баранавічах зладзілі міліцыянты з усёй краіны. Праўда, там лавілі адміністрацыйных правапарушальнікаў: бадзяг, п’яных, людзей з неадэкватнымі паводзінамі.