Пасажыраў цягнікоў на Вільню будуць правяраць на вакзале ў Мінску
Пункт пропуска на чыгуначным вакзале ў сталіцы Беларусі мусяць пабудаваць да 1 студзеня 2015 года.
Змены ў арганізацыі пашпартнага кантролю прадугледжвае ўказ Аляксандра Лукашэнкі №309 ад 15 ліпеня 2013 года. Што праўда, памежнікі пакуль не называюць дакладную дату адкрыцця пункта.
“Гэта залежыць ад таго, калі будзе створана адпаведная інфраструктура. Неабходны цэлы комплекс мерапрыемстваў, у тым ліку шматлікія пытанні ставяцца да кампетэнцыі БЧ”, — паведамляе БелТА са спасылкай на прэс-службу памежнага камітэта.
У Літве аналагічны тэрмінал для пасажыраў, якія едуць у Мінск, працуе з сярэдзіны траўня 2013 года.
Фота: airport.by.