У панядзелак у Мінску не будуць прадаваць ніякі алкаголь
Звязана гэта з тым, што 7 красавіка адзначаецца Сусветны дзень здароўя.
Таму ў сталічных крамах не будзе прадавацца алкагольная, слабаалкагольная прадукцыя і піва, інфармуе БелаПАН. Мінскія ўлады патлумачылі рашэнне "правядзеннем мерапрыемстваў, накіраваных на прапаганду здаровага ладу жыцця, прафілактыку п'янства і алкагалізму".
Продаж алкагольнай прадукцыі будзе спынены з з 0 гадзін па 24-ю. Выключэнне складуць аб'екты грамадскага харчавання (рэстараны, кафэ, бары і інш.), дзе спіртное прадаецца ў разліў.
