У Пакістане на жылыя кварталы зваліўся самалёт з пасажырамі

У Пакістане на жылыя кварталы зваліўся самалёт з пасажырамі

Каля пакістанскага аэрапорта Карачы на жылыя кварталы зваліўся пасажырскі самалёт Airbus A320 авіякампаніі Pakistan International Airlines (PIA), рэйс PK 8303. 

Катастрофа адбылася, калі самалёт заходзіў на пасадку. Як перадае Бі-Бі-Сі, на борце самалёта было 107 чалавек — 99 пасажыраў і 8 чальцоў экіпажу. Агульная колькасць ахвяраў невядомая. 

На месцы авіякатастрофы працуюць сілы хуткага рэагавання. Паводле неафіцыйных звестак, з-пад завалаў дамоў вызвалілі 15-20 чалавек. Васьмёра былі шпіталізаваныя з траўмамі. Ёсць звесткі, што знайшлі целы аднаго дзіцяці і аднаго дарослага. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі