У Оршы кусты і дрэвы высадзілі ў снег
Жыхары вуліцы Савецкай у Оршы на мінулым тыдні назіралі дзіўнае відовішча. Два дні запар паміж берагам Дняпра і дарогай камунальнікі тут высаджвалі дрэвы і кусты.
Мясцовы сайт orsha.eu піша, што для пасадкі раслін работнікам даводзілася капаць не толькі зямлю, якая сёлета не вельмі прамёрзла, але і снег. Шанцы, што саджанцы перажывуць зіму і вясной зазелянеюць, не дужа высокія.
