У Нясвіжскім раёне загінула дзіця — звалілася з прычэпа міні-трактара
Міні-трактар з прычэпам / Следчы камітэт
24 ліпеня ў Нясвіжскім раёне Мінскай вобласці загінула дзіця. Дзядуля на міні-трактары вяртаўся дадому. Унукаў ён вёз у прычэпе. Па дарозе хлопчык зваліўся з прычэпа на дарогу. Ад атрыманых траўмаў ён памёр.
У дачыненні 65-гадовага мужчыны, як кіроўцы, распачатая крымінальная справа. Артыкул — "парушэнне правілаў дарожнага руху, якое пацягнула па неасцярожнасці смерць чалавека", паведамляе Следчы камітэт.
У панядзелак у Чэрвеньскім раёне Мінскай вобласці ў аварыі загінула дзяўчынка.
