У Нацыянальнай бібліятэцы Францыі прарвала каналізацыю
Архіў Нацыянальнай бібліятэкі Францыі сур'ёзна пацярпеў ад прарыву каналізацыйнай трубы, які здарыўся ў нядзелю, 12 студзеня.
Пра гэта паведамляе lenta.ru са спасылкай на Agence France-Presse. Разнастайныя пашкоджанні ад аварыі атрымалі ад 10 да 12 тысяч дакументаў. Прарыў трубы адбыўся недалёка ад залы "Літаратура і мастацтва". Там захоўваюцца дакументы, аддрукаваныя з XVI стагоддзя.
Колькі часу сыдзе на прасушку дакументаў і іх рэстаўрацыю пры неабходнасці, не паведамляецца. Аднак адміністрацыя бібліятэкі запэўніла, што зробіць усё магчымае, каб мінімізаваць шкоду дял наведвальнікаў. Пра ўсе змены ў каталогу плануецца паведамляць на сайце BNF.fr.
Прадстаўнік нацыянальнага адукацыйнага прафсаюзу FSU заявіў, што аварыя стала вынікам скарачэння бюджэту на эксплуатацыйныя выдаткі.
Фота — wikipedia.org
