У Мінску затрыманы кіраўнік "Прыёрбанку". Кажуць пра "палітычную" справу
![Сяргей Касцючэнка / БГПУ](/sites/default/files/styles/gallery_main/public/2023-08/7eg92jpqbb1ctn0.jpg.webp?itok=JoERPPd8)
Сяргей Касцючэнка / БГПУ
У Мінску затрыманы дырэктар "Прыёрбанка" Сяргей Касцючэнка. "Запрасілі ў КДБ і не выпусцілі", — паведамляюць крыніцы "Нашай Нівы".
Фармальнай падставай для арышту стала наяўнасць падатковых праблем у IT-кампаніі, у якой Касцючэнка з'яўляецца сузаснавальнікам. Але ў банкаўскіх колах упэўненыя, што справа — палітычная. Маўляў, Касцючэнка славіцца самастойнасцю ў бягучых эканамічных абставінах і нежаданнем прымаць рашэнні па ўказанні зверху.
Сяргей Касцючэнка — кіраўнік Праўлення "Прыёрбанка" з 1990 года, аўтарытэтная фігура ў беларускім бізнесе і банкаўскім асяроддзі. Дзякуючы яму ў краіне вырасла колькасць паспяховых бізнэсаў.
Палова акцый "Прыёрбанка" належыць аўстрыйскаму Raiffeisen.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.