У Мінску прапануюць памяшканні ў арэнду за 0 рублёў
Памяшканне пад офіс / domovita.by
Мінчукам прапануюць арандаваць 60 памяшканняў за 0 рублёў. Агульная плошча — 14 326 м ². Абавязковая ўмова — стварэнне працоўных месцаў.
Паводле слоў начальніцы аддзела па выкарыстанню дзяржаўнай маёмасці камітэта "Мінскгармаёмасць" Галіны Арцімені, акцыя праходзіць штомесяц з мэтай скарачэння колькасці плошчаў, якія не выкарыстоўваюцца, і аказання падтрымкі малому і сярэдняму прадпрымальніцтву.
— Свежыя звесткі размяшчаюцца на афіцыйным сайце Мінгарвыканкама, а таксама ў Адзінай інфармацыйнай базе дзяржаўнай маёмасці, якая не выкарыстоўваецца. Акрамя таго, абноўленыя звесткі штомесяц накіроўваюцца ў Мінскі сталічны саюз прадпрымальнікаў і работадаўцаў. У снежні 2023 года пералік аб'ектаў, якія прапануюцца для здачы ў арэнду за 0 рублёў, папоўніўся.
