У Мінску пачаліся затрыманні журналістаў
![У Мінску пачаліся затрыманні журналістаў](/sites/default/files/styles/gallery_main/public/2023-08/photo_2020-10-25_13-49-17.jpg.webp?itok=Bmasxcnp)
ТГ-канал Антона Матолькі паведамляе, што на плошчы Свабоды ў Мінску пачаліся затрыманні журналістаў. Беларуская асацыяцыя журналістаў піша, што затрыманыя фатографы Дзмітрый Дзмітрыеў ("Новы час") і Святаслаў Зоркі ("Камсамольская праўда").
Еўрарадыё нагадвае, што 25 кастрычніка — 12-я нядзеля запар, калі беларусы выходзяць на масавыя пратэставыя маршы. Да таго ж сёння апошні дзень "Народнага Ультыматуму", абвешчанага Святланай Ціханоўскай.
У Мінску ўжо абмежаваны мабільны інтэрнэт, а людзі ў чорным палююць на людзей у сініх камізэльках. Таму нам і журналістам іншых СМІ патрэбная ваша дапамога! Калі ласка, дзяліцеся з намі Wi-Fi і, калі гэта зручна, пускайце да сябе ў кватэры, калі пад вашымі вокнамі адбываецца нешта важнае!
А калі вы самі сталі сведкамі важных падзеяў: руху калоны, затрыманняў ці іншых — калі ласка, распавядзіце нам пра гэта! Пішыце на @euroradio_minsk. Нагадваем: мы ніколі і нікому не адкрываем сваіх крыніцаў, калі яны самі гэтага не хочуць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.