Вы тут

У Мінску на працоўным месцы затрымалі інжынера факультэта радыёфізікі БДУ

Павел Пятроў / Kurjer.info

Раніцай 27 траўня ў Мінску на працоўным месцы затрымалі інжынера факультэта радыёфізікі БДУ Паўла Пятрова, паведамляюць праваабаронцы. У чым яго абвінавачваюць, пакуль невядома.

Пятроў — ураджэнец Лунінца, яму 37 гадоў. Вядома, што ён працаваў над кандыдацкай дысертацыяй, мае шматлікія распрацоўкі, дзясяткі навуковых публікацый.

У пачатку мінулага года з'яўлялася інфармацыя, што Паўла Пятрова затрымлівалі сілавікі за яго грамадзянскую пазіцыю.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.