Вы тут

У Мінску на дарозе ляжаў пенсіянер, ніхто з мінакоў яму не дапамог

Снегапад у Мінску / Reuters

У Мінску на дарозе ляжаў пенсіянер і ніхто з мінакоў яму не дапамог. Як інфармуе minsknews.by, здарэнне адбылося ўвечары ў раёне Партызанскага праспекта. 72-гадовы мужчына ў цемры спатыкнуўся і ўпаў, згубіў кіёк, без якога не мог падняцца. Людзі праходзілі міма і не рэагавалі на яго просьбы аб дапамозе. Верагодна, лічылі, што ён п'яны.

Мужчына ледзь не замёрз, паколькі ляжаў на дарозе даволі доўга. Яму дапамог нарад міліцыі, які праязджаў міма. Міліцыянеры паднялі мужчыну, выклікалі хуткую і звязаліся з яго сваякамі. Медыкі аглядзелі пацярпелага. Патрэбы ў шпіталізацыі ён не меў, і яго перадалі сваякам.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.