У Мінску адбылося пасвячэнне новага біскупа Юрыя Касабуцкага (фота)
Да гэтага ён быў пробашчам сталічнага касцёла на Залатой Горцы.
На ўрачыстасць, якая адбылася ў Мінскай катэдры, сабралася шмат людзей: прыехалі аднакурснікі ксяндза Юрыя, яго родныя і блізкія, святары з Беларусі і замежжа, прадстаўнікі дыпламатычных місій, святары іншых хрысціянскіх канфесій.
Трэба адзначыць, што прадстаўнікоў праваслаўнай канфесіі на ўрачыстасці не было.
Абрад пасвячэння правёў арцыбіскуп Мінска-Магілёўскі Тадэвуш Кандрусевіч. Асістэнтамі былі біскуп Гродзенскі Аляксандр Кашкевіч і біскуп Пінскай дыяцэзіі Антоні Дзям’янка.
