У Маскве "Рассельгаснагляду" даручаць аднавіць пастаўкі беларускай прадукцыі

"Рассельгаснагляду" даручаць аднавіць пастаўкі беларускай прадукцыі. Пра гэта заявіў міністр сельскай гаспадаркі і харчавання Беларусі Леанід Заяц. Паводле яго слоў, беларуская прадукцыя не саступае па якасці прадукцыі з іншых краін, а праблемы з пастаўкамі ў шэрагу айчынных прадпрыемстваў рэгулярна ўзнікаюць менавіта з "Рассельгаснаглядам".

"З боку міністра сельскай гаспадаркі Расіі прынятае рашэнне даручыць "Рассельгаснагляду" ўважліва паглядзець на гэтыя прадпрыемствы і прыняць рашэнне аб аднаўленні паставак беларускай прадукцыі", — цытуе словы Леаніда Зайца БЕЛТА. Міністр сельскай гаспадаркі Расіі Аляксандр Ткачоў пагадзіўся з беларускім калегам (падчас нядаўняй сустрэчы ў Маскве), што нельга так доўга забараняць пастаўкі беларускіх прадуктаў (на сённяшні дзень у чорным спісе дзесяць беларускіх прадпрыемстваў малочнай галіны). Ткачоў даручыць "Рассельгаснагляду" яшчэ раз уважліва вывучыць пытанне ў адносінах беларускіх прадпрыемстваў і прыняць па ім станоўчае рашэнне.

Заяц паведаміў, што прагнозныя балансы паставак беларускага харчавання ў Расію плануецца зацвердзіць у лютым 2017 года.