У Маскоўскім раёне Мінска шукаюць мільярд рублёў
Менавіта столькі запазычыліся некаторыя мясцовыя жыхары за камунальныя паслугі.
Іх у гэтым раёне 3277 чалавек (амаль 4% ад колькасці ўсіх уласнікаў і наймальнікаў). "Рэкардсменкай" лічыцца жанчына, якая не заплаціла 16 млн 500 тысяч рублёў за ваду.
Больш за 97% пратэрмінаванай запазычанасці ў Маскоўскім раёне сталіцы прыпадае на перыяд да трох месяцаў. Сёлета было пададзена 28 пазоваў аб перасяленні за неаплату паслуг ЖКГ. Суд задаволіў толькі 4, інфармуе агенцтва "Мінск-навіны".
Фота — minsknews.by
