У Магілёве ў прыватным доме ўзарваўся ацяпляльны кацёл (фота)
![У Магілёве ў прыватным доме ўзарваўся ацяпляльны кацёл (фота)](/sites/default/files/styles/gallery_main/public/2023-08/kaciol_1.jpg.webp?itok=OqeYXCAz)
У Магілёве ў прыватным доме па вуліцы Трактарнай узарваўся ацяпляльны кацёл. Паведамленне пра здарэнне паступіла да выратавальнікаў увечары 26 студзеня ад гаспадыні дома, 55-гадовай пенсіянеркі. Жанчына, на шчасце, не пацярпела, а пажару не было.
Пры гэтым унутры дома здарыліся істотныя разбурэнні: развалілася перагародка паміж кацельнай і кухняй. Вонкавыя сцены не пашкоджаныя і дом прыдатны для пражывання, паведамляе прэс-служба МНС.