У Магілёве легкавік сутыкнуўся з рэйсавым аўтобусам і загарэўся (фота)
На шчасце, ніхто з людзей не пацярпеў.
У Магілёве раніцай 30 снежня на праспекце Міра легкавік сутыкнуўся з рэйсавым аўтобусам. На момант аўтааварыі ў аўтобусе знаходзілася каля 20 чалавек, у "Lexus-RX330" — толькі кіроўца.
Як паведамляе прэс-служба МНС, у выніку сутыкнення адбылося ўзгаранне ў маторным адсеку легкавога аўтамабіля. Узгаранне ўдалося ліквідаваць праз некалькі хвілін. На шчасце, ніхто з людзей не пацярпеў.
Фота — МНС