У Літве ў 20 вайскоўцаў з батальёна NATO выявілі каранавірус
У Літве ў 20 вайскоўцаў з міжнароднага батальёна NATO выявілі каранавірус, паведамляе Delfi. Іх грамадзянства не агучваецца. Вядома, што, як мінімум, двое з іх — грамадзяне Нідэрландаў, іх ужо адправілі для лячэння на радзіму.
Каб спыніць распаўсюд каранавіруса, кантакты батальёна з іншымі падраздзяленнямі абмежавалі. Ён дыслакуецца ў Літве з 2017 года, як баявая група батальёна сіл перадавога базіравання NATO. Камандаванне падраздзяленнем здзяйсняе Германія.
Агулам у Літве зарэгістраваныя 290 выпадкаў заражэння каранавірусам, 4 чалавекі памерлі. У краіне дзейнічае каранцін, які працягнулі да 13 красавіка.
1.Постановлением Правительства Литвы от 25.03.2020 принято решение продлить транзитный коридор по территории Литвы в период карантина до24.00 13.04.2020.
— BelEmbassyLt (@BelEmbassyLt) March 25, 2020
2.Граждан Беларуси,следующих через Литву,просим связаться с Посольством(круглосуточно):+37069959434 для организации трансфера pic.twitter.com/2fWvI2m8Sq
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
