У Кіеве заявілі, што расіяне рыхтуюць правакацыю ў Беларусі
![У Кіеве заявілі, што расіяне рыхтуюць правакацыю ў Беларусі](/sites/default/files/styles/gallery_main/public/2023-08/pap_20220223_21z.jpg.webp?itok=Uotj_MPi)
У Кіеве заявілі, што расіяне рыхтуюць правакацыю ў Беларусі, каб апраўдаць увядзенне ва Украіну беларускіх войскаў. Пра гэта паведамляе дарадца міністра ўнутраных спраў Украіны Антон Герашчанка. Па яго даных, разглядаюцца некалькі варыянтаў правакацыі: ад расстрэлу памежных пунктаў дыверсантамі ва ўкраінскай форме да нанясення ракетных удараў па беларускіх гарадах і падрыву нафтаперапрацоўчага завода ў Мазыры.
Украінскі бок ужо не першы раз папярэджвае пра падобную правакацыю. Як вядома, улады Беларусі адмаўляюць, што беларускія вайскоўцы ўдзельнічаюць у вайне ва Украіне. Не маюць пацверджанняў гэтага і ўлады Украіны. Яны відавочна не хочуць, каб беларускія войскі атакавалі Украіну і прымаюць шматлікія звароты да беларускіх вайскоўцаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.