У Іране бушуюць пратэсты праз нястачу вады
![Скрын з відэа C'est La Vie](/sites/default/files/styles/gallery_main/public/2023-08/kckeke.jpg.webp?itok=q_8NH8Qz)
Скрын з відэа C'est La Vie
Шэсць начэй запар у сталіцы Ірана, Тэгеране, а таксама ў правінцыі Хузестан працягваюцца антыўрадавыя мітынгі. Прычынай стала нястача вады на паўднёвым захадзе краіны, піша "Новая газета". Пратэстоўцы патрабуюць адстаўкі мясцовых уладаў, якія не могуць справіцца з праблемай.
Для разгону пратэстоўцаў сілавікі выкарыстоўваюць слезацечны газ. Уночы на 21 ліпеня ў партовым горадзе Махшахр у правінцыі Хузестан быў застрэлены паліцэйскі, у выніку чаго колькасць загінулых у беспарадках павялічылася як мінімум да двух чалавек: да гэтага загінуў адзін з пратэстоўцаў. Яшчэ адзін чалавек атрымаў агнястрэльнае раненне ў нагу. Улады запэўніваюць, што прычынай ахвяр сталі дзеянні "бунтаўнікоў", актывісты ж сцвярджаюць, што людзі загінулі праз страляніну, адкрытую праваахоўнікамі.
On the sixth day of #IranProtests in #Khuzestan , it has expanded to Izeh, where the youths are confronting the repressive forces protesting severe water shortage due to mismanagement and corruption. pic.twitter.com/TPE43lxTQ2
— Alireza Jafarzadeh (@A_Jafarzadeh) July 20, 2021
Сілавыя структуры Ірана запэўніваюць, што пратэстоўцы падпальвалі шыны, каб блакаваць дарогі, а яны пад кулямі спрабавалі разагнаць натоўп.
Таксама з'явіліся паведамленні пра збоі ў рабоце інтэрнэту. Такім чынам, лічаць дэманстранты, афіцыйныя ўлады спрабуюць перашкодзіць пратэстоўцам арганізоўвацца. Пра тое, колькі людзей выходзіць у гэтыя дні на вуліцы, не паведамляецца, але, мяркуючы па відэа ў сацыяльных сетках, гэта сотні і нават тысячы чалавек.
Па звестках дысідэнцкага інфармацыйнага агенцтва праваабаронцаў (HRANA), у панядзелак і аўторак у Іране прайшла як мінімум 31 акцыя пратэсту, уключаючы мітынгі рабочых і фермераў.
Videos are slowly emerging on Twitter of a fifth night of protests over water shortages in #Iran's Khuzestan Province.
— Kian Sharifi (@KianSharifi) July 19, 2021
The video below, which was reportedly filmed in Ahvaz, shows protesters chanting in Arabic. Children are seen among the protesters.pic.twitter.com/924Y0C2aMq
Улетку 2021 года Іран сутыкнуўся з самай моцнай засухай за апошнія 50 гадоў. За апошні год колькасць ападкаў зменшылася амаль на 50%, у выніку чаго запасы вады ў плацінах вычарпаліся. Водны крызіс закрануў хатнія гаспадаркі, сельскую гаспадарку і жывёлагадоўлю. Акрамя гэтага, краіна ўжо некалькі тыдняў сутыкаецца з сур'ёзнымі адключэннямі электраэнергіі.
На цяперашні момант з 304 гарадоў 101 знаходзіцца ў "чырвонай зоне" і адчувае вострую нястачу вады, паведамляе кіраўнік іранскай кампаніі па водазабеспячэнні.
IRAN: Protests continue in the oil-rich province of Khuzestan in the heat of the summer. Protesters demand access to clean water.pic.twitter.com/sUBMEs12n3
— Negar Mortazavi (@NegarMortazavi) July 19, 2021
Правінцыя Хузестан, якая мяжуе з Іракам, стала лініяй фронту ў час ірана-іракскай вайны 1980–1988 гадоў. У рэгіёне знаходзіцца каля 80% нафтавых радовішчаў Ірана і 60% запасаў прыроднага газу краіны. Мясцовыя жыхары, большасць з якіх — этнічныя арабы, даўно скардзяцца на дыскрымінацыю.
"Паколькі амаль 5 мільёнаў іранцаў у Хузестане не маюць доступу да чыстай пітной вады, Іран не паважае, не абараняе і не рэалізуе права на ваду, якое непарыўна звязана з правам на найвышэйшы дасягальны ўзровень здароўя", — заявілі праваабаронцы Ірана.
Эканоміка Ірана часткова пацярпела праз санкцыі ЗША, уведзеныя ў дачыненні да нафтавай галіны яшчэ Дональдам Трампам у 2018 годзе, а таксама праз пандэмію COVID-19.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.