У Гродзенскай вобласці ў красавіку выяўлены 21 факт хабарніцтва. Гэта рэкорд!

У Гродзенскай вобласці ў красавіку была распачатая рэкордная колькасць крымінальных спраў па фактах атрымання хабараў. У мінулым месяцы тут быў выяўлены 21 факт хабарніцтва.

Сярод самых рэзанансных спраў – выпадак з 43-гадовым старшынёй аднаго з сельскагаспадарчых прадпрыемстваў Наваградскага раёна, дэпутатам мясцовага сельсавета. Мяркуецца, што за станоўчае вырашэнне пытання аб вылучэнні дадатковых плошчаў у арэнду ён атрымаў ад двух індывідуальных прадпрымальнікаў амаль 4,5 мільёны рублёў.