У Гродне 17-гадовы эксгібіцыяніст напаў на маладую настаўніцу
Здарэнне адбылося ўвечары 27 чэрвеня.
Настаўніца адной са школ горада вярталася дахаты. Каля пад'езда дома стаяў невядомы хлопец, які пайшоў за жанчынай. Спачатку ён прадэманстраваў ёй свае полавыя органы, а пасля накінуўся і паваліў на зямлю. Настаўніца не разгубілася, здолела вырвацца і выклікаць міліцыю.
Як інфармуе БелаПАН, міліцыянеры затрымалі 17-гадовага эксгібіцыяніста, які нідзе не вучыцца і не працуе. Раней ён ужо быў асуджаны за аналагічнае злачынства.
Праваахоўнікі адзначаюць, што незадоўга да нападу на настаўніцу зламыснік назіраў за 11-гадовай дзяўчынкай, якая гуляла ў двары без нагляду.
Фота — Fotolia
