Вы тут

У Гарадоцкім раёне ратавальнікі вызвалілі лебедзя, які ўмёрз у лёд

Фота: mchs.gov.by

5 снежня ратавальнікам Гарадоцкага райаддзела па надзвычайных сітуацыях паведамілі, што на замёрзлай сажалцы ў вёсцы Селішча гіне лебедзь. Мясцовыя жыхары распавялі, што птушка мучыцца каля тыдня: лебедзь умёрз і лёд, і таму не можа паляцець.

Вяскоўцы не маглі вызваліць птушку без рызыкі для сябе, бо лёд на вадаёме быў яшчэ нетрывалы. 

Дапамагчы птушцы гарадоцкія ратавальнікі змаглі за лічаныя хвіліны. Ратавальнік Павел Базылёў, перамяшчаючыся па сажалцы ў спецыяльным касцюме і ламаючы лёд, прыгнаў знясіленага лебедзя да берага. Там яго ўжо чакала група ратавальнікаў. Выратаваную птушку перадалі ў віцебскі заапарк.

Галоўнае

Выбар рэдакцыі

Вокладка кнігі Сяргея Шапрана "Беларускі гістарычны анекдот"
Фота Наталлі і Дар'і Кавальчук з Брэста. Разам з Фондам "Шанс" дзяржава аплаціла аперацыю Дашы ў Даніі.