У чым менавіта абвінавачваюць Паўла Дурава — стане вядома 26 жніўня
![Павел Дураў](/sites/default/files/styles/gallery_main/public/2024-08/durov2508.jpg.webp?itok=DebkhNGj)
Павел Дураў / ВКонтакте
У чым менавіта абвінавачваюць Паўла Дурава і дзе ён будзе чакаць суда (калі яго не выпусцяць адразу без прад'яўлення абвінавачанняў) — стане вядома толькі 26 жніўня. Пракуратура Парыжа зробіць заяву пра працэсуальны статус заатрыманага заставальніка Telegram у панядзелак.
Раней французскія медыі паведамлялі, што гэта будзе вырашана ўжо сёння. Але афіцыйных пацвярджэнняў гэтай інфармацыі не было.
Заснавальнік і кіраўнік Telegram Павел Дураў затрыманы ўвечары 24 жніўня ў парыжскім аэрапорце "Ле-Буржэ", калі ён прызямліўся і выйшаў са свайго прыватнага джэта. Справа супраць яго заснаваная на тым, што праз адсутнасць мадэрацыі ў тэлеграме мільянер з’яўляецца саўдзельнікам незаконнай дзейнасці. А менавіта — наркатрафіка, махлярства, тэрарызму, распаўсюджвання дзіцячага порна і гэтак далей.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.