У Браслаўскім раёне раўнівы вясковец забіў жанчыну
Пасля здзяйснення злачынства ён паспрабаваў звесці рахункі з жыццём.
Крывавая драма разыгралася ў вёсцы Самуйлы на Браслаўшчыне: 60-гадовы мясцовы жыхар зарэзаў сваю 48-гадовую аднавяскоўку. Цела жанчыны, якая сканала ад вялікай страты крыві, знайшлі ў доме яе забойцы раніцай 26 лютага. Агрэсар нанёс ёй колата-рэзаныя раны ў грудзь і ў жывот.
Гаспадардома забіў жанчыну нажом у часе сваркі, якая адбылася на глебе рэўнасці. Пасля ўчыненага ён спрабаваў звесці рахункі з жыццём і стрэліў сабе ў галаву з паляўнічага ружжа. Спроба суіцыду была няўдалай: падазраванага змясцілі ў лякарню, зброю адабралі.
Абставіны трагедыі высвятляюцца, перадае БЕЛТА са спасылкай на Віцебскую абласную міліцыю.