У Беларусі знікаюць населеныя пункты. Колькі іх цяпер
Закінутая вёска / Еўрарадыё
Паводле звестак Белстата, на пачатак 2026 года ў Беларусі налічвалася 23 173 населеныя пункты.
З 2017 года іх колькасць скарацілася на 203. За апошнія дзевяць гадоў найбольшая колькасць ліквідаваных населеных пунктаў была зафіксавана ў Віцебскай вобласці.
На другім месцы — Гомельская вобласць, на трэцім — Мінская і Магілёўская вобласці. Найменшая колькасць ліквідацый была адзначана ў Брэсцкай вобласці.
У 2025 годзе ў Беларусі было ліквідавана 9 населеных пунктаў: 5 сёл і 4 вёскі.
"Часцей за ўсё прычынай ліквідацыі населеных пунктаў з'яўляецца адсутнасць пастаяннага насельніцтва або страта населеным пунктам свайго эканамічнага і сацыяльнага значэння", — адзначаюць эксперты Белгеадэзіі.
Адной з прычын скарачэння колькасці населеных пунктаў з'яўляецца далучэнне аднаго населенага пункта да другога.
