У Беларусі заблакавалі сайт буйной міжнароднай праваабарончай арганізацыі
У Беларусі заблакавалі сайт буйной міжнароднай праваабарончай арганізацыі — Human Rights Watch. Адпаведную пастанову прыняў пракурор горада Мінска.
Што ж не спадабалася пракуратуры на сайце праваабаронцаў? Human Rights Watch шмат увагі надае падзеям ва Украіне, піша пра вайсковыя злачынствы РФ: пра гібель мірных жыхароў ад рук расійскіх вайскоўцаў, пра абстрэлы бальніц касетнымі боепрыпасамі, жорсткае абыходжанне з украінскімі ваеннапалоннымі і г. д.
Таксама арганізацыя публікуе даклады пра сітуацыю з правамі чалавека ў свеце, у тым ліку і ў Беларусі. У іх згадваюцца катаванні і збіццё сілавікамі пратэстоўцаў.
