У Беларусі ў школах уводзяць факультатыў, распрацаваны сумесна з БПЦ
![У назвах тэмаў заняткаў прысутнічаюць словы "духоўнасць", "міласэрнасць", "пакора" і "лагоднасць"](/sites/default/files/styles/gallery_main/public/2024-08/11-1.jpg.webp?itok=tn5eLHS0)
У назвах тэмаў заняткаў прысутнічаюць словы "духоўнасць", "міласэрнасць", "пакора" і "лагоднасць" / pravbrest.by
У Беларусі ў школах уводзяць факультатыў, распрацаваны сумесна з Беларускай праваслаўнай царквой. Яго назвалі "Асновы духоўна-маральнай культуры і патрыятызму". Разлічаны ён на вучняў 8 ці 9 класаў. Мінадукацыі зацвердзіла вучэбную праграму новага факультатыва. Адпаведная пастанова з'явілася на Нацыянальным прававым інтэрнэт-партале РБ. Яна пачынае дзейнічаць адразу пасля афіцыйнай публікацыі.
У дакуменце адзначаецца, што вучэбная праграма з'яўляецца працягам факультатыўных заняткаў для вучняў 5-7 класаў. Яна складаецца з 35 гадзін. Заняткі будуць праводзіцца адзін раз на тыдзень.
Мэта рэалізацыі вучэбнай праграмы называецца "садзейнічанне духоўнаму развіццю, фарміраванню маральнай культуры і патрыятызму вучняў на аснове выкарыстання патэнцыялу хрысціянскіх традыцый і каштоўнасцяў беларускага народа".
![У Беларусі ў школах уводзяць факультатыў, распрацаваны сумесна з БПЦ](/sites/default/files/styles/default_image_paragraph/public/paragraphs/image/112222222.jpg.webp?itok=7sBqmE_q)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.