У Беларусі стала больш шлюбаў і менш разводаў
На 20% вырасла колькасць зарэгістраваных у Беларусі сёлета шлюбаў у параўнанні з аналагічным перыядам мінулага года. Лідэрам вясельнага рэйтынгу з'яўляецца Гомельская вобласць, дзе колькасць шлюбаў узрасла на траціну. Як адзначае тэлеканал ОНТ, калі шлюбаў у 2009 годзе зарэгістравана 20 тысяч, дык разводаў — 11 тысяч. У параўнанні з мінулым годам колькасць разводаў скарацілася на 5%.
