У Беларусі снег і вецер парушылі электразабеспячэнне ў 113 населеных пунктах
![Снег і вецер пашкодзілі лініі электраперадачы / pixabay.com](/sites/default/files/styles/gallery_main/public/2023-08/light-bulb-3104355_960_720.jpg.webp?itok=wl6aWYCD)
Снег і вецер пашкодзілі лініі электраперадачы / pixabay.com
Снег з парывістым ветрам уначы і раніцай 26 лютага парушылі электразабеспячэнне ў гарадах і вёсках Віцебскай вобласці. Пра гэта паведаміла прэс-служба Міністэрства энергетыкі. Ад моцнага ветру паваліліся дрэвы і галінамі пашкодзілі лініі электраперадачы.
Праблемы з электрычнасцю назіраюцца ў 113 населеных пунктах. Найбольш пацярпелі ад непагадзі Гарадоцкі, Полацкі, Лепельскі, Расонскі, Ушацкі, Бешанковіцкі і Шумілінскі раёны.
Наступствы стыхіі ліквідуе 31 брыгада энергетыкаў — гэта больш за 100 чалавек. Таксама працуе 33 адзінкі тэхнікі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.