У Беларусі могуць адкрыць вытворчасць кітайскіх лекаў

Некалькі кітайскіх кампаній, якія ўваходзяць у карпарацыю "Сінафарм", прапанавалі беларускім чыноўнікам "абмеркаваць праекты па лакалізацыі на тэрыторыі Беларусі вытворчасці лекавых прэпаратаў іх партфеля карпарацыі". Пра гэта расказалі ў прэс-службе Міністэрства аховы здароўя РБ. Гаворка ідзе ў тым ліку пра стварэнне сумеснага прадпрыемства.

У Кітаі цяпер знаходзіцца міністр аховы здароўя Беларусі Дзмітрый Піневіч. Ён абмяркоўвае з кітайскімі кампаніямі закупкі абсталявання для ўстаноў аховы здароўя, а таксама пастаўкі лекаў. Нагадаем, карпарацыя "Сінафарм" пастаўляла ў Беларусь вакцыну супраць каранавіруснай інфекцыі. Каля 4,9 млн дозаў вакцыны парадалі бязвыплатна, яшчэ 4,6 млн было закуплена.