У Беларусі адзначаецца дзень медычнага работніка
![Пратэсты медыкаў у 2020 годзе / Еўрарадыё](/sites/default/files/styles/main_image_watermark_/public/2023-08/medicians1806.jpg.webp?itok=ngE6475J)
Пратэсты медыкаў у 2020 годзе / Еўрарадыё
18 чэрвеня ў Беларусі адзначаецца дзень медычнага работніка. Ён праходзіць на фоне каласальнай недахопу медыкаў у краіне і спробаў уладаў на гады прывязаць маладых спецыялістаў да месцаў, дзе яны праходзяць размеркаванне.
Толькі ў Мінску на пачатак чэрвеня не хапала чатыры тысячы медработнікаў. Самы вялікі дэфіцыт — гэта медсёстры. Адкрыта 2080 вакансій. За імі ідуць дактары-спецыялісты (1733 вакансіі), потым — фельчары (335).
Многія дактары за апошнія гады з'ехалі з Беларусі: нехта ў пошуках лепшага жыцця, а нехта праз рэпрэсіі, развязаныя уладамі пасля выбараў 2020 года. Тады сярод медыкаў было шмат пратэстуючых, бо да таго чыноўнікі ігнаравалі праблемы, звязаныя з COVID-19, фактычна пакінуўшы медработнікаў сам-насам са смяротным вірусам.
Тым не менш, у ахове здароўя працуе вялізная колькасць прафесіяналаў. Яны штодзень вяртаюць людзям здароўе і ратуюць жыцці. Таму не павіншаваць іх — і тых, хто з'ехаў, і тых, хто застаўся, — сёння было б не правільна.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.