У Беларусь даставілі прах хакеіста Канстанціна Кальцова
![Канстанцін Кальцоў](/sites/default/files/styles/gallery_main/public/2024-03/kalcou-1903.jpg.webp?itok=mR_iDgAG)
Канстанцін Кальцоў / КХЛ
Прах хакеіста Канстанціна Кальцова даставілі ў Беларусь, піша "Наша Ніва" са словаў яго былой жонкі Юліі Міхайлавай.
"Прах быў дастаўлены ў Беларусь учора, у панядзелак. Наколькі я разумею, цяпер спрабуюць узгадніць месца для яго. Не ведаю, як доўга гэта зойме па часе", — падзялілася падрабязнасцямі жанчына.
Раней паведамлялася, што цела хакеіста крэміравалі ў Амерыцы.
Пра трагічную смерць экс-гульца Нацыянальнай хакейнай лігі і зборнай Беларусі Канстанціна Кальцова стала вядома ў ноч на 19 сакавіка. Пазней стала вядома, што спартовец зваліўся з гаўбца свайго нумару на 23-м паверсе гатэля. Агучваліся розныя версіі, у тым ліку суіцыд. Былая жонка Кальцова ўпэўненая, што здарыўся няшчасны выпадак.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.